YE SAAL BAHUT KUCH SIKHA GAYA
- Poetry by Sarah Khan
Ye saal bahut kuch sikha gaya
Kuch gam diye to kuch ko mita gaya
Log chale gaye, magar dil mazboot rakhna hai
Sab mohabbat karenge ye haqeekat nhi sapna hai
Logon ke asli chehre dikha gaya
Ye saal bahut kuch sikha gaya
Apna koi nahi hota, apnana padhta hai
Agr galti khudki ho to manana padhta hai
Kayi zakhmo pe marham laga gaya
Ye saal bahut kuch sikha gaya
Sab nhi khush honge mere sukh me
Kuch sath honge to kuch nhi honge dukh me
Asha ki roshni me sapno ki tasveer bana gaya
Ye saal bahut kuch sikha gaya
Log kya sochenge ye he nahi sochna hai
Pathharon ke dher me heere khojna hai
Zindagi jeene ka ek naya tareeka aagaya
Ye saal mujhe bahut kuch sikha gaya
Har baar dimag nahi, kabi dil ki bhi sun lo
Burai to sab me hoti hai, kabi achhai b dhund lo
Logon ki soch se azaad ek nayi disha dikha gaya
Ye saal sach much bahut kuch sikha gaya ...
Comments
Post a Comment
Comment for Feedback